Алматыдағы жекеменшік мектепте ер адам ұлының сыныптасын ұрып, тұншықтырған

Алматыда жекеменшік мектепте ер адам сыныптасынан таяқ жеген ұлының қарсыласын өз бетінше жазаламақ болған. Ол үзіліс кезінде сыныпқа кіріп, мұғалім жоқта 6 жасар балаға шабуыл жасаған.

Бұл туралы зардап шеккен баланың анасы Instagram-дағы парақшасында жазды.

Посмотреть эту публикацию в Instagram

Публикация от Lou kamila 🇰🇿 (@lou.kamila)

Жазба авторының айтуынша, мектеп оқушылары арасында төбелес болған, кейін өзі де, баласы да ата-аналар жиналысында кешірім сұраған. Содан кейін екінші баланың әкесі үзіліс кезінде мектепке келіп, екінші балаға қол жұмсаған.

"Баланың бәрі мектепте төбелеседі. Ол ұлымды ұрып жібермекші болған. Оның үстіне бұл оқиға мектепте үзіліс кезінде болды, ол сынып жетекшісі жоқ кезде сыныпқа кіріп, оны тұншықтырып, ұрып-соққан"  деп жазды әйел. 

Аудандық білім бөлімі директордың орынбасарына, сынып жетекшісіне, күзетшіге қатысты тиісті тәртіптік шара қабылдағанын хабарлады.

Алматы полиция департаменті бұл дерек бойынша Әуезов аудандық полиция бөлімі тергеу жүргізіп жатқанын және Қазақстан Республикасының заңнамасына сәйкес шара қолданылатынын мәлімдеді.