«Алматыдағы ресейлік кәсіпкердің сұмдық өлімі»: Хасан қылмыстық тобының мүшесі 17 жылдан соң қолға түсті

Адам өлтіріп, қаруды заңсыз сақтағаны үшін 17 жыл бойы халықаралық іздеуде болған азамат Литвадан экстрадицияланды. Оның атышулы «Хасан ата» мафиясының мүшесі екені анықталды, деп хабарлайды Orda.kz. 

Іздеуде жүрген күдікті биыл тамыз айында ұсталған. Ол шекарадан басқа адамның атымен өтпек болған. Бас прокуратура мәліметінше, ол Қазақстанға жеткізіліп, тергеу изоляторына қамалды.

Қылмыскердің бірі сол кезде ұсталып, екіншісі қашып үлгерген. Оған халықаралық іздеу жарияланды. Ол 17 жыл бойы Еуропада жалған есіммен жасырынып жүрген.

Orda.kz экстрадицияланған адамның Мусса Шатоевты кісі өлімі бойынша резонанс тудырған істің фигуранты екенін анықтады. Ол Ресейлік кәсіпкерді Алматының дәл ортасында атып кеткен. Фурманов көшесіндегі (қазіргі Назарбаев даңғылы) үйдің ауласында киллерлер оны күтіп отырған.

Басты күдікті екі айдан соң анықталды. Ол Қапшағайдағы түнгі клубқа келген адамды өлтіріп, бес полицейді жарақаттаған. Олардың бірі көз жұмған.

Сонымен қатар, Мусса Шатоевты ату Хасан ата (шын аты – Аслан Усаян) басқаратын қылмыстық топтың тапсырысы болуы мүмкін. Ұсталған азамат жауап алу кезінде мұны мойындаған.

Кейінірек тергеушілерге өзін Хабиб деп таныстырған адам қоңырау шалып киллерді босату үшін сұраған қаражатты беретінін айтқан.

Айта кетейік, Атырау облысында анасы мен баласы бұрынғы күйеу баласын өлтіргені үшін 15 жылға сотталды.