Алматыдағы Райымбек батыр мемориалдық кешені қайта құрылады

Оңтүстік астанадағы Райымбек батыр мемориалдық кешені қайта жөндеуден өтеді, ол жұмыс аяқталғаннан кейін заманауи мәдени кеңістікке, тарихи мұраны сақтаудың символына айналуы тиіс, деп хабарлайды Orda.kz әкімдікке сілтеме жасай отырып.

Кешен құрамына батырлар мұражайы, бұлақ суы, тәу етіп келгендерге арналған үй-жайлар, әкімшілік ғимарат және салт-жораларға арналған аймақтар кіреді. Сондай-ақ, XVIII ғасырдағы жауынгерлік жабдықтарды қалпына келтіретін экспозиция құрылады.

«Жыл соңына дейін мұражайдың құрылысы мен абаттандыруды аяқтау қажет. Жұмыстар сапалы әрі мерзімінде орындалуы тиіс», -  деп атап өтті Алматы әкімі Дархан Сатыбалды.
  

Райымбек батыр кесенесінің жалпыұлттық маңызы бар нысан мәртебесі бар  және Қазақстанның қасиетті орындар картасына енгізілген. Әкімдіктің ақпараты бойынша, жөндеу жұмыстары аяқталғаннан кейін мұнда ұлы қолбасшының өмірі мен ерлігіне арналған заманауи экспозиция пайда болады.

Мамыр айында мешіт болмайтыны белгілі болып, Алматыдағы Райымбек батыр мемориалды кешенін  қалпына келтіретін мердігер таңдалған еді.