Алматыдағы лай көшкіні: Досаев төтенше жағдай болған жерге барды

Алматы әкімі Ерболат Досаев суық су жарылып,  салдарынан лай көшкіні болған жерге барды.

Сол жерде қала басшысы бүлінген ғимараттарды аралап,  шұғыл көшпелі кеңес өткізді. 

«Басты басымдық – іздеу-құтқару жұмыстары. Алдын ала ақпарат бойынша үйде тұратын адамдарды іздеу бойынша барлық жұмылдыру топтарының жұмысын үздіксіз қамтамасыз ету қажет», - деді Ерболат Досаев. 

Көршілерінің айтуынша, бұл үйде төрт адам тұрған.

Оқиғаның себептерін тексеру және лай көшкіні салдарын жою бойынша арнайы топ құрылды. 

Еске салайық, 8 ақпанда сағат 2:20 шамасында Алматының Медеу ауданындағы «Тау-Самал ықшамауданында лай көшкіні салдарынан екі жеке тұрғын үй бүлінді. Алдын ала ақпарат бойынша, үйдің ішінде төрт адам болған, екеуі – бала. Құтқарушылар оларды іздестіріп жатыр.