Алматыдағы Қаныш Сәтбаевтың ескерткіші басқа жерге қойылмақ

Сәтбаев Университетінің алдында орналасқан Қаныш Сәтбаевтың ескерткішінің орнына амфитеатр орнатпақшы, деп хабарлайды Orda.kz.

Ескерткішті Satbayev University кіреберісіне 50 метрге жақындатып, орнына ғылыми және мәдени іс-шараларға арналған ашық амфитеатр салу жоспарланып отыр. Жоба президенттің тапсырмасы бойынша әзірленді.

«Бұған дейін Сәтбаев ескерткішінің алып тастайтыны туралы дәйексіз ақпарат тарады, бірақ ол алынбайды. Satbayev University-дің негізгі кіреберісіне қарай 50 метрге ауыстырылады. Бұл шешім сараптамалық бағалаудан кейін қабылданды: жаңа локация монументті неғұрлым көрнекті етіп, оның символдық мәнін айқындай түседі», деп жазылған almatynews_kaz парақшасында.

Бұл идеяға қарсы болған алматылықтар да бар. Әлеуметтік желі қолданушылары бұл шешімді қызу талқылап жатыр.

Еске сала кетейік, Мемлекет басшысының бұйрығымен Бағанашылдағы балалар үйі көшірілмейтін болды.