Алматыдағы қала күнінде жәрмеңкеге 100 тонна алма шығарылады 

21 қыркүйекте Тұңғыш Президент саябағында Алматы күніне орайластырылған Alma Fest 2025 өтеді, деп хабарлайды Orda.kz.

Қала тұрғындары мен қонақтарының көңіл-күйін TURAR, Дос-Мұқасан, Карина Абдуллина, Astra, Royals Ban көтереді.

Жәрмеңкеге фермерлер алматылық атақты апорттан бастап сирек кездесетін коллекциялық сорттарға дейін 100 тонна алма әкелуге уәде берді.

Бағдарламада балаларға арналған ойындар, спорттық жарыстар, шығармашылық және этно-шеберлік сыныптары, театр қойылымдары, Шапито циркінің шоулары бар.

Фестиваль таңғы 10 басталып, кешкі сағат тоғызда аяқталады. Ал бүгін сағат 16: 00-де Көк-Төбеде концерт өтеді, мерекеге орай Көк-Төбеге апаратын аспалы жол тегін болады.

Сонымен қатар, Алматының Алатау ауданында қала күніне орайластырылған «Алатау» заманауи теннис орталығының ресми ашылуы өтеді.