Алматыдағы кафелердің бірінде жаппай төбелес болды  

Алматыдағы кафелердің бірінде жаңа жыл түні жаппай төбелес болып, оның видеосы әлеуметтік желілерде тарап кетті, деп хабарлайды Orda.kz. 

Таралып кеткен видеодан жастар тобының бір-біріне орындық, үстел және таяқ қолданып шабуыл жасағанын көруге болады.  

Алматы полиция департаментінің мәліметінше, жанжалға қатысушылардың барлығы анықталып, Медеу аудандық полиция басқармасына жеткізілді.  

«Алматыдағы жоғары оқу орындарының бірінің шетелдік студенттері арасында кафе ішінде жанжал туындап, ол төбелеске ұласқан. Әрқайсысының әрекетіне құқықтық баға беріледі. Бұзақылық фактісі бойынша қылмыстық іс қозғалды. Оқиғаның басқа да мән-жайлары анықталуда» делінген хабарламада.