Алматыдағы изоляторда отырған белсенді Польшадан пана тапты

Қарақалпақ белсендісі Қошқарбай Төремұратов Польшадан саяси пана тапты, деп хабарлайды Orda.kz. 

Бұл жөнінде адам құқығы жөніндегі Түркімен Хельсинки қоры мәлімдеді. Польша белсендіге 20 қаңтар күні рұқсат берген. 

Төремұратов 2006 жылдан бері Қазақстанда тұрған. Ол 2013 жылдан бастап Алматыда қарақалпақ диаспорасын құру қызметімен айналысқан. Ал 2014-2018 жылдары Өзбекстанда түрмеде отырды. Бостандыққа шыққаннан кейін Алматыға оралып, диаспора жұмысымен белсене айналыса бастаған еді. 

2022 жылы қыркүйекте Төремұратов Ташкенттің экстрадия бойынша өтінішімен ұсталып, бір жыл Алматыдағы тергеу изоляторында отырды. 2023 жылы 8 қыркүйекте Нөкіс соты Төремұратовты 2020 жылы «Алға Қарақалпақстан жақтастарының Нөкістегі демонстрациясы» атты видеожазбаны жариялағаны үшін сырттай  5 жыл 1 ай мерзімге соттады.