Алматыдағы Almaty Arena және Halyk Arena кешендері мемлекетке қайтарылды

Түрлі қызметке арналған Almaty Arena және Halyk Arena кешендері мемлекет меншігіне қайтарылды, деп хабарлайды Orda.kz.

2024 жылдан бастап ірі спорт нысандарын коммуналдық меншікке қайтару үрдісі басталды. Соның ішінде Almaty Arena және Halyk Arena кешендері де бар еді. 

«2024 жылдан бастап Алматы әкімі Ерболат Досаевтың тапсырмасымен ірі спорт ғимараттарын қала балансына қайтару басталғанын хабарлаймыз. Бұл бүкіл санаттағы спортшылар ареналарға тең дәрежеде келіп, жаттыға алады деген сөз. Нысандарды пайдалануға кешенді аудит жүргізілді және қазіргі уақытта спортшыларға, соның ішінде Михаил Шайдоровқа, спорт мектептерінің, секциялардың және ұлттық құраманың тәрбиеленушілерінің мұз айдынға кіруіне жағдай жасалды. Бұл тәсіл ел чемпиондарының жаңа буынын тәрбиелеуге көмектеседі»,  деп хабарлады қала әкімдігі.

Бұған дейін мәнерлеп сырғанаушы Михаил Шайдоров Алматыда мәнерлеп сырғанаудан спортшыларды толыққанды даярлау үшін жағдай  жасалмағанын айтқан еді. Михаил Шайдоров Алматы әкімінің орынбасары Бейбіт Шахановпен кездескен кезде спорт инфрақұрылымы қолжетімді болғаны, жағдай жасалғаны үшін алғыс білдірді.

Сонымен қатар Алматы әкімдігі қаланың спорт нысандарын жаңғыртудың кешенді жоспарын жүзеге асырып жатыр.

Биыл орталық стадионды қайта құру басталады, оның сыйымдылығы 35 мың орынға дейін ұлғайтылып, халықаралық стандарттарға сай болмақ. Сондай-ақ Медеу мұз айдынын жаңғырту жоспарланып жатыр.

Айта кетейік, Алматы қаласының әкімі Тоқаевқа екі аптада бір рет есеп беруге міндеттелді.