Алматыдағы пансионатта балаларды намаз оқуға мәжбүрлеген

Алматыдағы пансионат атын жамылған қайырымдылық мекемелерінде кәмелетке толмаған балалар таяқтың астында қалған.

«Алматы полиция департаменті балалар интернат үйінің атын жамылған қайырымдылық мекемелерінің кәмелетке толмаған балаларды ​​өз-өзіне қол жұмсауға және басқа да қылмыстарға итермеледі деген күдікпен қылмыстық істі тергеп жатыр.

Бұл пансионаттарда тұратын кәмелетке толмағандар жүйелі түрде діни жоралар мен ұжымдық намаздарға тартылған. Қарсы шыққан балаларға тамақ пен су бермей жазалаған. Тіпті физикалық зорлық-зомбылық көрсетілген» делінген ПД хабарламасында.

Пансионаттарды тінту кезінде шетелдік діни әдебиеттер мен оқу құралдары, Қазақстанда экстремистік деп танылған және таратуға тыйым салынған материалдар табылды.