Карантин ережелері бойынша жаңажылдық ұжымдық кештерді өткізуге тыйым жоқ. Бұл туралы Алматы қалалық санитарлық-эпидемиологиялық бақылау департаменті басшысының орынбасары Сәдуақас Байғабылов хабарлады.
Ол қолданыстағы карантиндік талаптар жаңажылдық ұжымдық кештерге тыйым салмайтынын, бірақ шектеулер болатынын, мекеме қызметкерлері Ashyq-та «жасыл» мәртебеге ие болуы керек екенін ескертті.
Дегенмен Алматының эпидемиологиялық ахуал бойынша қай «аймақта» орналасқанына байланысты қатысушылар санына шектеу қойылады.
«жасыл» аймақта – 50 пайызға дейін, 100 орыннан көп емес;
«сары» аймақта – 50 пайызға дейін, 70 орыннан аспауы керек;
«қызыл» аймақта – 50 пайызға дейін, 50 орыннан аспауы керек.
Алматыда коронавирус инфекциясы бойынша жағдай нашарласа, Ashyq нысандарының жұмыс уақытында карантиндік шаралар күшейтіліп, жаңажылдық корпоративтік кештер мен басқа да іс-шараларға тыйым салынуы да мүмкін.
