Алматыда жылу жылдағыдан ерте берілетін болды

Алматы қаласының әкімдігі 2 қазаннан бастап жылу берілетінін мәлімдеді.

 Бұл туралы  Orda.kz қала әкімдігінің баспасөз қызметіне сілтеме жасап хабарлады.

Әкімдіктің мәліметінше, Алматы әкімі Бақытжан Сағынтаевтың тапсырмасы бойынша қолайсыз метеорологиялық болжамдар мен қаладағы ауа райының күн сайынғы мониторингіне байланысты биыл жылыту маусымы ертерек басталады.

— Қолайлы жағдайды талап ететін ұйымдардың жұмыс ерекшелігін ескере отырып, ең алдымен жылу жүйесіне денсаулық сақтау, білім беру ғимараттары мен басқа да әлеуметтік нысандар қосылады, - делінген әкімдік хабарламасында.

Одан кейін жылу көппәтерлі тұрғын үйлер, содан соң басқа да тұтынушыларға беріле бастайды. Әкімдік жылу көздері, газ желілері, қазандықтары жылу беруге 100% дайын екендігін жеткізді.