Алматыда жылу  жүйесі жарылып, үш көше ыстық су мен жылусыз қалды

Алматыда Сайын көшесінің оңтүстік-батысында, Ұлықбек көшесінің қиылысында жылу жүйесі жарылды.

«Алматы жылу желілері» ЖШС-нің апаттық бригадалары жарылыс салдарын тоқтатты. Аталған жылу  жүйесіндегі  апат салдарынан Ұлықбек – Сайын – Жандосов – Ясауи көшелерінің тұрғындары жылусыз, ыстық сусыз қалды.

 «Диаметрі 700 мм құбырдың зақымдануын жою үшін Ұлықбек - Сайын - Жандосов - Ясауи көшелері тізбегінде ыстық су мен жылу беру уақытша тоқтатылды. Жақын арада «Алматы жылу желілері» ЖШС көмегімен ақау  салдарын жою жоспарлануда» деп хабарлайды «Алматы жылу желілері» ЖШС.

Төтенше жағдай туындаған жағдайда, мысалы, су немесе будың шығуы кезінде алматылықтардан өз бетінше әрекет жасамауды және оқиға туралы «АлТС» ЖШС жедел-диспетчерлік қызметіне тәулік бойы телефон нөмірі бойынша хабарлауды сұраймыз: +7 727 3780665 немесе +7 727 341 0777, қоңыраулар сағат 08:00-ден 18:00-ге дейін қабылданады.