Алматыда жүк көлігі қағып кеткен 7 жасар қыз қаза болды

Алматы қаласында жүк көлігінің жүргізушісі жаяу жүргіншілер жолында жеті жасар қызды қағып кетті. Бала оқиға орнында қайтыс болды, деп хабарлайды Orda.kz. 

Қайғылы оқиға бүгін, 2 сәуір күні сағат 12:17-де Алматы қаласының Алатау ауданында болған. Бұл туралы жергілікті полиция қызметінің кезекші бөлімі хабарлады.

Renault маркалы жүк көлігінің жүргізушісі жаяу жүргіншілер өткелінде жолдан өтіп бара жатқан жеті жасар қызды қағып кетті.

Жол апатына байланысты қылмыстық іс қозғалды. Полиция қажетті сараптамалар тағайындалғанын мәлімдеді. 

Еске салайық, кеше мотоцикл мінген қазақстандық Таиландта мерт болды.