Алматыда жұмбақ жағдайда комаға түскен сарбазды басқа ауруханаға ауыстырады

Әскерге шақырылған азаматтың анасы ұлын елордаға апарудан бас тартып отыр.

Ұзақ уақыт комада жатқан сарбаз Ербаян Мұхтарды Алматыдағы емханадан Астанаға ауыстырады. Бұл туралы Ұлттық ұланның «Оңтүстік» өңірлік қолбасшылығының баспасөз қызметі хабарлады.

«Орталық қалалық клиникалық аурухананың дәрігерлер кеңесі - қатардағы Мұхтардың ұзақ мерзімді бейтарап жағдайына байланысты, одан әрі оңалту үшін Астананың Бас әскери клиникалық госпиталіне ауыстыруды ұсынды. Тасымалдау жақын рейспен жүзеге асырылады» деп хабарлады аурухана баспасөз қызметі.

Ербаянның анасы баласының ауыр жағдайына алаңдап, оны тасымалдаудан бас тартқанын отбасы  мүддесін қорғайтын адвокат Инга Иманбай айтты.

«Қазір әскерилер мен дәрігерлер бірінен соң бірі Ербаянның анасына хабарласып, ауыр халде комада жатқан ер адамды санитарлық авиацияға келіспесе, ауруханадан қуып жібереміз деп қорқытуда», - деп жазды Инга Иманбай.

Алматы қаласында орналасқан 5571 әскери бөлімінің 21 жастағы сарбазы Ербаян Мұхтар бас-ми жарақатынан кейін комаға түскен. Жас жігіт қызмет еткен бөлімшеде оның әжетханада құлап, басымен тақтайшаға соғылғандығын ата-анасына хабарлаған. Туыстары бұл нұсқаға сенуден бас тартуда.

Оrda.kz тілшілері жағдайдың мән-жайын өз назарында ұстайды.