Алматыда жүкті келіншек сегізінші қабаттан секіріп кетті

Қайғылы оқиға «Алма сити» тұрғын үй кешенінде болды, марқұм 22 жаста, полиция мән-жайды анықтап жатыр.

Алматыда 22 жастағы жүкті келіншек сегізінші қабаттан секіріп кетті. Қайғылы оқиға «Алма сити» тұрғын үй кешенінде 9 қарашада болған. Жергілікті тұрғындар оны тұрмыстық жанжалдан кейін өз-өзіне қол жұмсауды шешкенін айтады.

Орда.kz тілшісіне Алматы полиция департаментінде хабарлағандай, бұл факті Наурызбай аудандық полиция бөлімімен ҚР Қылмыстық кодексінің 105-бабы (өзін-өзі өлтіруге итермелеу) бойынша сотқа дейінгі тергеп-тексерудің бірыңғай тізіліміне тіркелді.

Сот-медициналық сараптама тағайындалды. Оқиғаның себебі мен басқа да мән-жайлары анықталуда.