Алматыда жол апатынан төрт адам көз жұмды

Алматы облысында жол апатынан Toyota көлігінің үш жолаушысы мен жүргізушісі қайтыс болды. Оқиға орнынан түсірілген кадрлар әлеуметтік желілерде тарады.

Бұл туралы Orda.kz. хабарлады.

Адам өліміне алып келген апат болған жерден түсірілген видео Instagram әлеуметтік желісінде пайда болды. Оқиға 24 наурыз күні сағат 14.00 шамасында Қапшағай-Бақанас жолында орын алған.

Алматы облысының полиция департаментінің алдын-ала мәліметтері бойынша Toyota Land Crusier көлігінің 58 жастағы жүргізушісі қарсы жолаққа шығып кетіп, Toyota Mark II көлігімен соқтығысқан.

– Жол-көлік оқиғасы салдарынан Toyota Mark II көлігінің үш жолаушысы мен Toyota Land Crusier жүргізушісі оқиға орнында қайтыс болды. Toyota Mark II жүргізушісі мен Toyota Land Crusier жолаушысы Қапшағайдағы ауруханаға орналастырылды, - деп хабарлады полиция департаментінің баспасөз қызметі.

Бұл оқиға Қылмыстық кодекстің 345-бабы 4-бөлігі «Абайсызда екі немесе одан да көп адамның өліміне әкеп соқтыратын жол қозғалысы ережелерін бұзу» бойынша тіркелді.

Тергеу амалдары жүргізілуде.