Алматыда жол апатынан автобустың 1 жолаушысы тіл тартпай кетті

2024 жылғы 26 маусымда сағат 14:20-да Алматы қаласы Сейфуллин даңғылы мен Мақатаев  көшесінде автобус пен жеңіл көлік соғылып, жол апаты болды.

Бұл туралы Алматы полиция департаменті хабарлады.

«KІА көлігінің жүргізушісі көшеден өтіп бара жатып,  Мақатаев көшесінің оңтүстік бағытында келе жатқан «Сити-Bus» ЖШС 18-бағыттағы автобуспен соқтығысты. Оқиға салдарынан автобустың 16 жолаушысы медициналық көмекке жүгінуге мәжбүр болды. Тағы бір жолаушы оқиға орнында көз жұмды» деп хабарлады Алматы полиция департаментінің баспасөз қызметі.

Желіде автобус пен жеңіл көліктің соқтығысқан бейнежазбасы тарап кетті.