Алматыда ЖЭО-3 газ тарату стансасының құрылысы аяқталды

«Интергаз Орталық Азия» АҚ ЖЭО-3 автоматты газ тарату стансасының құрылысын аяқтады. Автоматтандырылған газ тарату станциясының өнімділігі сағатына 150 мың текше метрді құрайды, деп хабарлайды Orda.kz

AГТС-3-ті QazaqGaz еншілес кәсіпорны «Интергаз Орталық Азия» АҚ салған. Кіретін қысымның шамасы 5,4 мегапаскаль (Мпа), шығыс қысымы 1,2 МПа болады.

Нысан ЖЭО-3-ті көгілдір отынмен қамтамасыз ету үшін қажет. Қаланың өзінде және оның төңірегіндегі ауаның ластануын азайту арқылы алматылықтардың өмір сүру сапасы мен жалпы мегаполис экологиясы жақсарады деп күтілуде. Сонымен қатар, ол күннен-күнге өсіп келе жатқан энергия тұтыну сұранысын өтейді деген сенім бар.

QazaqGaz Қазақстан – Қытай және Алматы – Байсерке – Талғар халықаралық газ құбырлары арасындағы ЖЭО-2 үшін АГТС және «Қайрат» газ өткізгіш құбыры құрылысын аяқтады. Барлығы Алматы энергетикалық кешенінің газ инфрақұрылымын дайындау аясында жүзеге асырылды.

Ұлттық компания қызметкерлері ұзындығы 62,4 шақырым болатын «Алматы-Байсерке-Талғар» газ құбырының екінші желісінің құрылысын мерзімінен бұрын атқаруда. Құбыр Алматы қаласы мен Алматы облысының тұтынушыларын, оның ішінде 2-ЖЭО және 3-ЖЭО-ны табиғи газбен сенімді және үздіксіз қамтамасыз етуге мүмкіндік береді. Бұл сондай-ақ төтенше жағдайларды болдырмаудың бірден-бір  мүмкіндігі.

«ҚазТрансГаз Аймақ» АҚ еншілес кәсіпорны АГТС-тен станцияның өзіне дейінгі жоғары қысымды жерасты газ құбырының құрылысын аяқтауда.