Алматыда жеңіл көлік пен жолаушылар автобусы соқтығысып, бір адам көз жұмды

Қайғылы оқиға Алматы – Винсовхоз – Чапай автожолының 15-шақырымында болған, деп хабарлайды Orda.kz. 

Бұл туралы Алматы облыстық полиция департаментінің баспасөз қызметі мәлімдеді.

Алдын ала мәлімет бойынша, 24 жастағы Chevrolet Nexia көлігінің жүргізушісі рөлге ие бола алмай, қарсы бағытқа шығып кетіп, жолаушылар автобусымен соқтығысқан. Соққыдан кейін жеңіл көлік инерция салдарынан өзімен бір бағытта келе жатқан Chery Tiggo автокөлігін де соққан.

Аталған дерек бойынша қылмыстық іс тіркеліп, оқиғаның барлық мән-жайын анықтауға бағытталған тергеу жүргізіліп жатыр.

Айта кетейік, Астанадағы көпір үстінде бірнеше көлік соқтығысып, екі адам қаза тапты.