Алматыда жасырын есірткі зертханасы табылды

Ұлттық қауіпсіздік комитетінің қызметкерлері Алматыда астыртын есірткі зертханасын ұйымдастырды деген күдікпен қазақстандық әйелді қолға түсірді, деп хабарлайды ҚР ҰҚК ресми сайты.

ҰҚК қызметкерлері жедел-іздестіру іс-шаралары барысында заңсыз айналымнан 2 кг мефедрон психотроптық затын, есірткі және психотроптық заттарды өндіруде, дайындауда, қайта өңдеуде жиі қолданылатын прекурсорлардың ірі партиясын тәркіледі.

Сонымен қатар, зертханалық жабдықтар мен химиялық қорғаныс құралдары тәркіленді.

Сотқа дейінгі тергеп-тексеру материалы ҚР Қылмыстық кодексінің 297-бабы «Есірткі, психотроптық заттарды өткізу, жөнелту немесе өткізу мақсатында заңсыз дайындау, қайта өңдеу, иемдену және олардың аналогтарын сақтау және тасымалдау» деп қосты комитет.

Бұған дейін тәртіп сақшылары Алматы облысында шетелдік азаматтың үйінен жерасты зертханасын тапқандарын  хабарлаған болатын.