Алматыда «Жасыл аула» акциясы: тегін көшет алуға болады

Алматы қаласының Экология және қоршаған ортаны қорғау департаменті «Жасыл аула» акциясының басталғанын хабарлайды, деп хабарлайды Orda.kz.

30 наурыздан бастап қала тұрғындарынан көпқабатты үйлердің аулаларын және басқа да қоғамдық аумақтарды абаттандыру үшін жапырақты ағаш көшеттерін алуға өтініш қабылдануда. Көшеттер тегін беріледі.

Акция аясында бір адамға 20-ға дейін көшет бөлініп, өтініш беруші үш жыл бойына отырғызылған ағаштарды күтіп-баптау туралы кепілдік міндеттемеге қол қоюы керек.

Өтініш 2024 жылдың  9 сәуіріне дейін қабылданады. Осы мерзімнен кейін келіп түскен өтінімдер қабылданбайды.

Қатысу үшін келесі ақпаратты [email protected] электрондық поштасына жіберу керек:

• Бастамашы тұлғаның толық аты-жөні және байланыс деректері, көшет отырғызылатын жердің нақты мекенжайы;

• Жоспарланған отырғызу алаңының бірнеше фотосуреті (мамандар орынды бағалай алатындай панорамалық фотосурет болғаны жөн);

• Қажетті көшет санын көрсетесіз.

Көшеттерді тарату Алматы қаласы, Әуезов ауданы, Юрий Ким көшесі, 9 корпус («Эко Алматы» ЖШС) мекенжайы бойынша 13-14 сәуірге жоспарланған. Артынан отырғызылған көшеттердің фоторепортажын жіберу керек.

Қосымша ақпарат алу үшін Алматы қаласы Экология және қоршаған ортаны қорғау департаментінің жасыл қордың мониторингі және басқару бөліміне келесі байланыс телефондары бойынша хабарласыңыз: +7 707 546 1770, +7 727 390 41 17.