Алматыда «Жас қанат 2023» байқауы аяқталды

Республика сарайында өткен биылғы байқау жаңартылған түрге ие  заман талабына сай формада өтті.

Финалда қатысушылар белгілі композитор, дирижер және өңдеуші Илья Башкатовтың жетекшілігімен Live-тобының сүйемелдеуімен өнер көрсетті. Илья Башкатовтың тобымен сайысқа қатысушылардың барлығы тамаша өнер көрсетті.

Екі жарыс күніндегі дауыс беру қорытындысы бойынша ең жоғары ұпай жинаған 8 қатысушы финалға шықты. Айта кету керек, бұл жігіттер бірінші жарыс күні өздерін бірден көрсете білді. Финал кезінде қазылар алқасы бірауыздан қай орынды кімге беру керектігін даусыз шешті.

Мұрат Ерғалиев пен Александр Пономарев атындағы жаңадан тағайындалған Гран-при – байқудың жаңалығы десек те болады. Оны атыраулық Ерназар Жұбан алды. Алтын қанат (1-орын) ақтөбелік Нарғыз Жанұзақоваға, күміс (2-орын) алматылық Беназир Әлімқожаеваға, қола (3-орын) алматылық Алмагүл Батталиеваға бұйырды.

Тағы төрт жеңімпаз аталды, олар: оралдық Аружан Бисембай, петропавлдық Нариман Жұлдасбеков, павлодарлық Мәдина Қабдолла және шымкенттік Нұрасыл Сатыбалды.

Қазылар алқасының кейбір мүшелері өз жүлделерін белгіледі. Медеу Арынбаев өз жүлдесін екі қатысушыға – петропавлдық Нариман Жұлдасбеков пен оралдық Аружан Бисембайға қазақ ән дәстүріне деген сүйіспеншілігі үшін берді. Ренат Ғайсин шығармашылық ынтымақтастықта Нұрасыл Сатыбалдыны өз қанатының астына алуды ұйғарды.  

Байғали Серкебаев болса  өзінің Emporio Music Fest музыкалық фестивалі арнайы жүлдесін (мағынасы танылмаған таланттарды қолдау) Ерназар Жұбанға табыс етті. Ол енді 5-7 шілде аралығында өтетін ең танымал джаз фестивалі Montreux Jazz Festival қатыысады, оған әлемнің ең әйгілі музыканттары келеді.

Финалдан тыс қалған «Жас қанат» байқауының 12 қатысушысы осы мәртебелі байқауға қатысқаны туралы диплом-сертификаттарға ие болды.