Алматыда жаппай төбелеске қатысқан шетелдік студенттер депортацияланады

Алматыда жаңа жыл қарсаңында жаппай төбелес ұйымдастырған Үндістаннан келген алты студент Қазақстаннан шығарылады, деп хабарлайды Orda.kz.

Ғылым және жоғары білім министрі Саясат Нұрбек барлық алты құқық бұзушының қазақстандық жоғары оқу орындарында оқитынын айтып, жағдайға түсініктеме берді. Депортациялау туралы шешім қолданыстағы заңнама шеңберінде қабылданды.

«Арасында біздің студенттер жоқ. Бұл олардың жеке мәселесі, қазір Алматы полиция департаменті тергеу жүргізіп жатыр, нәтижесін күтейік. Мен елшілікпен тікелей байланыстамын, біз сөйлесіп, осы студенттерді депортациялау туралы бірлескен шешім қабылдадық. Бұл біздің ұстанымымыз. Президент жақында берген сұхбатында әрбір шетелдік өз еліндегі заңдарды сақтағандай Қазақстан заңын да сақтауға міндетті екенін айтты. Депортация мәселесі елшілікпен шешілді»,  деді министр. 

Барлық қатысушылардың жеке басы анықталды. Бұзақылық туралы қылмыстық іс қозғалды.