Алматыда жаңа веложол пайда болды

Сәтбаев көшесінен Абай даңғылына дейін Манас көшесінің батыс жағында жаңа арнайы веложолақ салынды.

Сондай-ақ, Манас көшесінің бойымен Шевченко көшесінен Абай даңғылына дейін ені үш метр, ұзындығы шамамен 400 метр болатын веложол салынды, көше бойында тұрақ орындары бар. Осылайша Шевченко және Сәтбаев көшелерінің бойында орналасқан веложолдар біріктірілді.

2023 жылы Алматыда үш шақырымдық велоинфрақұрылым орнатылды. Алматы әкімі Ерболат Досаевтың тапсырмасы бойынша қаланы дамыту жоспары аясында жұмыстар жалғасады.