Алматыда жаңа туған нәресте мен анасы көз жұмды

Алматы облысы Сарыөзек ауылында келіншек пен оның жаңа туған нәрестесі ауруханада көз жұмды. Марқұмның туыстары іс бойынша қылмыстық тергеу бастауды талап етуде.

Бұл туралы Orda.kz хабарлады.

Бір күн бұрын әлеуметтік желіде жас жігіт әйелі мен баласының өлімі туралы айтып видео жариялады. Ол 1 қазан төртінші баласын босанып жатқан жұбайын аудандық перзентханаға әкеледі. Бір аптадан кейін әйел босану кезінде белгісіз себептермен қайтыс болды.

Босанған әйелдің өліміне облыстық денсаулық сақтау басқармасында түсініктеме берілді. Онда 37 жастағы әйелдің жүктіліктің 41-ші аптасында Кербұлақ аудандық ауруханасының босану бөліміне түскені хабарланды.

– Ауруханада жүкті әйел қатаң бақылауда болды. 7 қазанда күндізгі екіде жиі толғақ басталды. 18:40-та ол ауырсынып, басы айналып, әлсіздікке шағымданды. Интенсивті терапияға қарамастан, науқастың жүрегі тоқтап, 21:45-те дәрігерлер өлім туралы хабарлады, - деді Алматы облысы денсаулық сақтау баспасөз қызметінің жетекшісі Ләйлім Әубәкірова.

Келіншектің ішіндегі сәбиі ота кезінде өлі туылған.

Белгілі болғандай, облыстық денсаулық сақтау басқармасы Кербұлақ ауруханасы дәрігерлерінің әрекетіне тексеру ұйымдастырды.

Облыстық полиция департаменті жағдайды бақылауда ұстайтынын және сараптаманың нәтижесін күтетінін, олар бойынша соңғы процессуалдық шешім қабылданатынын айтты.