Алматыда жұма намазға шектеулермен рұқсат етілді

Алматыда оннан астам шектеулер қарастырылып, мешіттердің ауласында жұма намаз оқуға рұқсат берілді, деп хабарлады Orda.kz.

Ол үшін мұсылмандарға мешіттің аумағында ғана жиналуға рұқсат етілді. Олар әлеуметтік арақашықтықты 1,5 метрден сақтап, келушілер саны 50%-дан аспау керек. Шара бір сағаттан аспайды, оған қатысушылар міндетті түрде бетперде тағуы керек. Мұндай талаптарды Қазақстан мұсылмандары діни басқармасы жариялады.

– Сонымен қатар, мешіттердің аулаларында намаз оқуға жағдай жасау, антисептиктерді орнату, ауланы күнделікті дезинфекциялау, маскалармен қамтамасыз ету қажет. Мүмкін болса, үйде дәрет алыңыз, өзіңізбен бірге кілемшелер алып келіңіз, - деді Мүфтият хабарламасында.

Діни қызметкерлер дене температурасы 37 ° C-тан жоғары болып, ЖРВИ белгілері болғанда, мешітке баруға тыйым салды.

Егде жастағы адамдарға, 65 жастан асқандарға, балаларға және әйелдерге мешіттерге барудан мүлде бас тартуға кеңес береміз. Ал қалғандары ол жерде ұзақ уақыт болмауы керек.