Алматыда Zeekr көлігімен болған жол апатын тергеу екі аптада аяқталады

Алматыда Zeekr автокөлігі қатысқан жол апаты бойынша резонансты істі тергеуді екі апта ішінде аяқтау жоспарланып отыр, деп хабарлайды Orda.kz. 

Қылмыстық істі тергеу бойынша барлық дерлік сараптамалар алынған. Бұл туралы сенат дәлізінде ішкі істер вице-министрі Санжар Әділов айтты. 

Еске салайық, бұған дейін Алматыда жантүршігерлік жол апаты болып, салдарынан үш адам қаза тапқан еді. Желідегі ақпаратқа сәйкес, Zeekr көлігінің иесі өзге көлікпен жарысып жүйіткіген болуы мүмкін. Осы оқиғадан кейін 26 наурызда полиция түнде жол үстінде жарысатын жүргізушілермен күресті күшейткенін мәлімдеді. Алматы полициясында қызметтік тексеру басталып, кейін ішкі істер министрі Ержан Сәденов бірқатар басшылардың қызметтен босатылғанын хабарлады.

Сонымен қатар ІІМ бірнеше қылмыстық іс қозғалғанын мәлімдеді. Ал  резонанстан кейін Алматы жолдарында қауіпсіздік шаралары күшейтілді.

Оқи отырыңыз:

• Көлік сатамын деп алдаған: Алаяқтық жасаған күдікті Ресейден экстрадицияланды
• Қырғызстанда Қамшыбек Тәшиевке екі бап бойынша айып тағылды