Алматыда заңсыз салынған таунхаусын бұзуға қимаған ер адам өзін өртеуге тырысты

Бостандық ауданы Ерменсай шағын ауданындағы «Жаңару» кооперативінде заңсыз салынған үш қабатты тұрғын үй бұзылды. Бұған ғимараттың иесі өзін өртеп қарсылық көрсетіп, қорқытпақ болды, деп хабарлайды Orda.kz. 

Бұл туралы депутат Бақытжан Базарбек мәлімдеді. Оның сөзінше, меншік иесі шаруа қожалығы мен бау-бақшаға арналған учаскеде екі көппәтерлі үй тұрғызған. Ғимараттың рұқсат етілген құжаттары жоқ болып шыққан. Сондықтан сот ғимартты бұзуға шешім шығарыпты. 

Алайда ғимаратты бұзу кезінде ер адам қарсылық көрсетті. Ол өзін өртеуге тырысқан. Соған қарамастан тұрғын үй бұзылды.

Айта кетейік, Алматыда Қарғалы өзенін ластап, өзенге жасыл түсті химиялық зат төккендер іздестіріліп жатыр.