Алматыдағы тергеу изоляторында күдікті өзіне қол салды

27 қаңтарда полицияға 35 жастағы әйел хабарласып, жүйелі түрде топтық зорлау әрекеттеріне ұшырағанын айтып шағымданады. Полиция жәбірленушіні бірнеше күн қамауда ұстағанын анықтайды.

Полиция департаментінің ақпаратына сәйкес, бейтаныс ер адамның оны төрт күн бойы Саялы ықшамауданындағы пәтерінде жәбірленушіні күштеп ұстап, бірнеше рет зорлап келгені арызда айтылған.

Одан әрі арызданушы 25 қаңтарда бұл азамат өзінің досымен бірге Алмалы ауданындағы тұрғын үйлердің біріндегі жалдамалы пәтерге әкеліп, қатты ұрып-соғып, бірнеше рет зорлағанын көрсетеді.

Тәртіп сақшылары ҚР Қылмыстық кодексінің «Бір топ адамдар жасаған зорлау» бабы бойынша арызды тіркеді.

Осы қылмысты жасады деген күдікпен 1988 және 1981 жылы туған ер адамдар ұсталды.

«Алмалы ауданы ПБ камерасында ұстау кезінде 1988 жылы туылған ер адам қамауға алынғаннан кейін екі сағаттан соң көйлегінің жеңімен асылып, өз-өзіне қол жұмсады» деп хабарлады ПД баспасөз қызметі.

Өз-өзіне қол жұмсау фактісі уақытша ұстау изоляторында орнатылған бейнебақылау камерасына түсірілген.

Аталған факті бойынша сотқа дейінгі тергеу басталды.