Алматыдағы техникалық қызмет көрсету станциясында 20 көлік өртеніп кетті

Алматыдағы техникалық қызмет көрсету станциясындағы өрт cалдарынан 20 автокөлік жанып кетті, деп хабарлайды ORDA. Алматы қалалық Төтенше жағдайлар департаментінің баспасөз қызметіне сілтеме жасап.

«02 ақпанда 18 сағат 52 минутта Алматы қаласы ТЖ департаментi күштерi мен құралдары Бостандық ауданы Сәтпаев көшесi 139 мекенжайына жедел шақыртумен жiберiлдi.

Өрт сөндipушiлер келгенде Техникалық қызмет көрсету орталығы ашық жалынға оранып, солтүстік жағындағы гараждарға, оңтүстік жағындағы «Ройал Петрол» ЖҚС-на өрт таралу қаупі туындады. Оған қоса ТҚО аумағында орналасқан автокөлiктерге өрт жайылу қаупi туындады», - делінген хабарламада.

Алдын ала болжам бойынша, өрт кезінде 20-ға жуық көлік жанып кеткен. Төрт автомобиль зақымданды, тағы 15 көлік эвакуацияланды. Өрт аумағы шамамен 600 шаршы метрді құрады. Кірме жолдарды тазарту үшін 109 құтқару қызметінің құралдары қолданылды.

23:09-де өрт оқшауланып, 23:47-де тұтастай сөндірілді. Өрт сөндіру қызметі өрттің жанармай бекетінде таралуына жол бермеді. Зардап шеккендер жоқ. Өрт себебі анықталып жатыр.