Алматыдағы түрмеде дарға асылған тұтқын мәйіті табылды

Алматының Заречный кентіндегі ЛА-155/12 түрмесінде 33 жастағы тұтқын Берік Рахматуллаевтың асылып тұрған денесі табылды. Бұл туралы 15 желтоқсан түнде құқық қорғаушы Елена Семенова өзінің Facebook парақшасында  жазған.

Құқық қорғаушы:

«Тұтқын 15 желтоқсанда түсте тәртіптік изоляторға қамалған, сол күні изолятордан денесі табылды. Тәртіптік изоляторда не болғаны белгісіз, бірақ қалған тұтқындар оның айқайлағанын естіген, содан кейін тұтқын дарға асылған», - дейді.

Мекеме басшылары алғашында дарға асылған мәйіт туралы хабарламаны жоққа шығарған. Бірақ сотталушылардың жаппай тәртіпсіздігінің салдарынан, ашық хабарлама жасаған.