Алматыдағы шерушілер қаңтар оқиғасына шынайы сипат беруді талап етті

Алматыда шеруге шыққандар қаңтарда қаза тапқандардың аты-жөні жазылған плакаттарды іліп қойды. Алаңға нақты талаптармен жүзге жуық адам жиналды.

Алматыда өткен жиында жұрт қаңтардың қасіретті күндерінде қаза тапқандардың барлығының аты-жөні жазылған бірнеше плакат іліп қойды. Тұрғындар бірнеше талап қойды. Дегенмен басты талаптардың бірі  соңғы үш жылда өтініш білдірген партиялардың барлығын тіркеу болды.

Қатысушылардың бірнеше талаптары бар:

• 1. Барлық саяси партияларды тіркеу

• 2. Қаңтар оқиғасын объективті және жан-жақты тексеру, жазықсыз азаматтарға бостандық

• 3. Реформа

«Біз бес жыл бойы «Байтақ болашақ» экологиялық партиясын тіркеуге тырыстық. Біз парламентті таратуды талап етеміз», - деді митингке қатысушылардың бірі.

Осы уақыт ішінде  алаңда бірнеше рет интернет жоғалып кетіп жатты.

Сондай-ақ, жиналғандар Украинаны қолдайтындықтарын да айтуды ұмытпады. Митингке қатысушылардың бірі қанды қаңтар ісі бойынша ұсталғандардың кейбірінің үйқамаққа шығарылғанын, бірақ бұл оларға тағылған айып алынып тасталды дегенді білдірмейтіндігін атап өтті.

— Сот болады. Жазықсыздарды ақтау керек. Біз оларды ұрып-соғып, азаптаған полиция мен ұлттық қауіпсіздік қызметкерлерін жазалауымыз керек, - деді ол.

Қанды қаңтарда қамауға алынғандардың бірінің әйелі соттың сапасына көңілі толмайтынын айтты.

— Сот бес-ақ минут болды, ешкімнің бірдеңені түсіндіріп, айтуына мүмкіндік берілмейді, - деді ол.

Жиналғандар Президент Қасым-Жомарт Тоқаев наурыз айындағы жолдауында барлық партиялардың тіркелгенін жариялайды деп үміттенеді. Әйтпесе, халық тағы да алаңға шығып, соңына дейін тұрамыз деп сендірді.