Алматыдағы ұшақ апатынан аман қалғандардың жағдайы

Нұр-Сұлтан-Алматы бағытындағы AH-26 әскери ұшағының әуе апатынан аман қалған екі адамның жағдайы туралы ақпарат жария болды.

Әскери ұшақ апатынан аман қалған екі адам Алматыдағы нөмірі төртінші қалалық клиникалық ауруханаға жеткізілген болатын. Бүгінде олардың жағдайы ауыр деп бағалануда. Қаланың ең тәжірибелі дәрігерлері ауруханаға келіп, апаттан зардап шеккен азаматтарға дәрігерлік көмек беруде.  Екеуіне де бас ми жарақаты диагонозы қойылған.

— Ұшақ апатынан ауруханаға екі адам түсті. Екеуі де жансақтау бөлімінде жатыр. Жағдайлары ауыр. Диагноздары - бас ми жарақаттары. Термиялық күйік - 50 пайыз, 30 пайыз. Бір науқаста ашық сирақ сүйектерінің сынуы. Кеуде жарақаты, пневмоторокс. Екінші науқастың диагнозы - бас ми жарақаты. Термиялық күйік - 30 пайыз. Төртінші саусақтың сынуы. Және кеуде қуысының жарақаты бар,  деді №4 қалалық клиникалық аурухананың травматолог дәрігері Руслан Токушев.

Кеше Алматы әуежайы маңында әскери ұшақ апаты салдарынан оңтүстік астанадан  Қазақстанның өзге қалаларына рейстер бөгелген болатын.