Алматыдағы президент резиденциясының тағдыры шешілді

Қазақстан республикасы Президентінің іс басқармасы Алматы қаласында орналасқан президент резиденциясы ғимаратының функционалдық міндеттемелерін ауыстыру жоспарланбағанын мәлімдеді.

«ҚР ПІБ-да Мемлекет басшысының қатысуымен қалада болған кезінде іс-шараларды қамтамасыз ету үшін Алматыдағы жалғыз ғимарат бар. Осыған байланысты Іс басқармасы ғимараттың қолданыстағы функционалдық мақсатын өзгертуді қарастырмайды. Президенттің Алматыдағы резиденциясында ресми мемлекеттік іс-шараларды өткізуге арналған арнайы жоспар бар. Онда шағын алаңдар мен үлкен залдар бар. Мұндай жоспарлау басқа процестерді ұйымдастыруға жарамсыз болып көрінеді», – делінген хабарламада.

Айта кетейік, президен резиденциясы ағымдағы жылдың 5-6 қаңтар күндері Алматыдағы оқиға кезінде тоналған, өртелген.

«Бірінші қабатта басбұзарлар кіргізген көлік өрт кезінде жарылған. Өрт салдарынан ғимараттың темір конструкциялары балқыған. Қажетті барлық жүйелер істен шыққан. Екінші қабат қатты бүлінген. Осы мәселе ғимарат тағдырын нақты шешу қажет екенін көрсетті. Қазақстан көппрофильді реконструкция және даму институты техникалық талдау жүргізіп жатыр. Институт сарапшылары сейсмоберіктік пен қауіпсіздік талаптарын сақтай отырып темір конструкцияларды ауыстыру мүмкін екенін дәлелдеді» деп жазылған.

Сондай-ақ, хабарламада президент резиденциясының бүлінген бөліктерін қалпына келтіруге үлес қосып жатқан бизнес мекемелерге алғыс айтқан. Ал ғимаратты қалпына келтіру жұмыстары жыл соңына дейін аяқталмақ.