Алматыдағы президент резиденциясы мемлекеттік ескерткіштер тізімінен шығарылды

Алматыдағы президент резиденциясы тарих және мәдениет ескерткіштерінің мемлекеттік тізімінен ресми түрде шығарылды. Бұйрық 28 сәуірде тіркеліп, 7 мамырда күшіне енді.

 «Көрсетілген бұйрықпен бекітілген Республикалық маңызы бар тарих және мәдениет ескерткіштерінің мемлекеттік тізбесінде реттік нөмірі 31-жол алынып тасталсын» делінген құжатта.

Айтпақшы, Алматыдағы резиденция №31 болатын.

Қаңтар оқиғасынан кейін бұл ғимарат айтарлықтай қирап қалды. Бір кездері билік қаңтар күндерін еске алу үшін ондағы мұражайды жабдықтап, тіпті қалпына келтіріп, бұрынғы мақсатына қайтармақ болды. Бірақ 2 наурызда президент Қасым-Жомарт Тоқаев нысанды бұзуға бұйрық берді.