Алматыдағы отқа оранған ағаш қоймасындағы өрт сөндірілді

Алматының өрт сөндірушілері жарты сағат ішінде 1,5 мың шаршы метрді қамтыған ағаш қоймасындағы өртті сөндірді. Бұл туралы ҚР Төтенше жағдайлар министрлігінің ресми өкілі Талғат Уәли мәлімдеді, деп хабарлайды ORDA.

«2021 жылы 21 қаңтарда сағат 08:18-де Төтенше жағдай министрлігінің күштері мен құралдары Жетісу ауданына жұмылдырылды. Өрт сөндірушілер келген кезде жалпы алаңы 1500 шаршы метр ағаш сақтайтын бір қабатты жеке қойма ғимараты жалынға оранып тұрған. Жанып жатқан қоймадан жоғары жылу сәулеленуіне байланысты өрттің 10-15 м қашықтықта орналасқан көрші қоймаларға таралу қаупі болды», - деді Талғат Уәли.

Ол сонымен қатар, өртке қарсы сумен жабдықтау жүйесінің қашықтығы салдарынан өрт сөндіру цистерналарын пайдаланып, су айдау дереу ұйымдастырылғанын қосты. Қоймаларды сөндіру және қорғау үшін 2 баспалдақ жұмыс істеді, 8 әмбебап өрт сөндіру саптамалары жеткізілді. Өртті жоюға 13 техника, 55 жеке құрам жұмылдырылды, оның ішінде Алматы қаласы Төтенше жағдайлар департаментінің басшылығы да бар. Қабылданған шаралар бойынша өрт 09:35-те сөндірілді.