Алматыдағы Назарбаевтар әулетінің сарайлары туралы деректер айтылды

Қазақстанның тұңғыш президенті Нұрсұлтан Назарбаевтың отбасының Алматыдағы сарайлары мәлімет пайда болды. Азаттықтың зерттеуіне сәйкес, Назарбаев әулетінің Алматыдағы қымбат аудандарда бірнеше сарайлары бар.

– Қазақстанның экс-президенті Нұрсұлтан Назарбаевтың отбасы мүшелері әлі де еліміздің ең бай адамдарының қатарында. Олардың Қазақстанда да, шетелде де бизнесі мен жылжымайтын мүліктері бар. Азаттық Назарбаевтар отбасының Алматыдағы жылжымайтын мүлкін тексеруді бастап, Бостандық ауданында бірнеше сарайларды анықтады - олар тау етегінде, Әл-Фараби даңғылының үстінде орналасқан және 135 гектар жерді алып жатыр. Үйлер Нұрсұлтан Назарбаевтың өзіне, оның үш қызы мен жиендеріне тиесілі, - делінген бейсенбі күні тараған хабарламада.

Басылымның жазуынша, 2001 жылы Қазақстан билігі Алматының етегінде саябақ құру туралы бастама көтерген.