Алматыдағы митинг  ер адамның өлімі мен тұтқындауға ұласты

Алматыда миниг кезінде ер адам ажал құшып, соққысы өтіп бара жатқан жүргізушінің өліміне әкелген шеруші қамауға алынды.

Ресми нұсқа бойынша, 11 маусымда тұрғын үй кешенінің бір топ тұрғыны өздеріне тиесілі аумақтағы жағдайға көңілдері толмай, Гагарин көшесіндегі жолды жауып тастаған. Көлік жүргізушілері бұған наразы болды.

Өтіп кетуге мүмкіндік болмаған соң  жүргізушілердің бірі шерушілерге шықты. Бейнебақылау камерасынан қысқа төбелестен кейін оның қалай құлап қалғаны көрсетілген. Оны жедел жәрдем көлігі алып кетті, ал 12 маусымда ер адамның қайтыс болғаны белгілі болды.

 «Жанжал кезінде рұқсат етілмеген акцияға қатысушының бірі  жол қозғалысының  бөгелуіне қарсылық білдіріп,  көліктен шыққан  жүргізушіге дене жарақатын салған» делінген полиция хабарламасында.

Марқұм 48 жаста болған. Митингке қатысушы 42 жаста - ол уақытша ұстау изоляторына қамалды. Оның үстінен ҚР ҚК 106-бабының 3-бөлігі «Денсаулыққа қасақана ауыр зиян келтіру арқылы  абайсызда кісі өлтіру» бойынша қылмыстық іс қозғалды. Сотқа дейінгі тергеу басталды. Күдікті 8 жылдан 12 жылға дейін бас бостандығынан айрылуы мүмкін.

Қазір белсенділер барлығына қала әкімі Ерболат Досаев кінәлі деп санайды. Айтуларынша, халыққа белгіленген жерде бейбіт митинг өткізуге рұқсат бермей, көшеге шығып, жолды жауып тастауға мәжбүрлеген. Белсенді Салтанат Тәшімова өз парақшасында Досаевтың отставкаға кетуін талап етті.

 «ДОСАЕВҚА – ОТСТАВКА! Тұрғындар  қарсылық білдіріп, көшені жауып жатқанда ер адам қаза тапты! Рұқсат етілген митинг өткізуге ЕШҚАНДАЙ СЕБЕПСІЗ рұқсат бермеген Досаев болатын! Бұл жағдайды ӘКІМ мен әкімдік жасады! Және жауапкершілікті басқа ешкімге аударудың қажеті жоқ! Тұрғындар кінәлі емес! Мұндай жағдаыға жеткізудің  қажеті жоқ еді, Досаев мырза! Адам өліміне әкелген осындай әлеуметтік шиеленісті тудырған Әкімдік!!! Досаева - отставкаға кет!!!» деп жазды ол.

Бұл көшедегі көпқабатты үй  тұрғындарының бірінші наразылығы  емес. Короленко, 8 (Гагарин даңғылының қиылысы) тұрғындары үйлерінің маңындағы жаңа тұрғын үй кешендерін салушылармен  ұзақ уақыт бойы қарсыласып келеді. «Терра» тұрғын үй кешені салынғаннан кейін ескі көпқабатты үйдің тұрғындарына көлік қоятын орын да қалмаған.