Алматыдағы демалыс орталығында ер адам кішкентай екі қызға тиіскен

Алматы облысындағы демалыс орталығында ер адам кәмелетке толмаған қыздарға тиіскен.

Бұл туралы Orda.kz хабарлады.

Жанжалды куәгерлер видеоға түсіріп алған. Ол taldykorganec.insta Instagram парақшасында жариялады.

Жазба авторының айтуынша, ер адам бассейнде қыздарға тиіскен.

Әкімшіктегілер бұл жағдай бойынша «балалар суға түспей-ақ қойса да болады» деген.

– Қызым 17-де, жиенім 18-де. Мен кіре берісте ақшасын төледім. Олар сонда жағада отыруы керек пе?! - деп ашу білдірді әйел.

Демалыс орталығының әкімшілігі күдікті азаматты іздеп тапқан. Анықталғандай ол мас болған. Сондай-ақ, 14-16 жастағы басқа да қыздарға тиіскен.

Облыстық полицияның ұсынған мәліметінше жағдай 5 шілдеде болған.

– Күдікті Ескелді ауданы, Қарабұлақ ауылының 34 жастағы тұрғыны болып шықты, деп хабарлады полицияның баспасөз қызметі.

ҚР Қылмыстық кодексінің 122-бабы бойынша сотқа дейінгі тергеу басталды.