Алматыдағы барахолка тағы да өртенді

Алматы барахолкасында тағы да өрт шығып,  бұл жолы «Қазына»  базарындағы өртті ауыздықтауға тура келді.

Құтқарушылар өрттің жалпы аумағы 120 шаршы метрді құрағанын айтты.

12:14 уақытында басталған өртке 6 минутта ТЖД күштері мен құралдары жеткен. Сол аралықта  бірнеше қосқабатты контейнелерр жанып үлгерген.

Жақын маңда орналасқан контейнерлерді  өрт шарпу қаупі  болған. Барлау барысында ауданның сумен аз қамтылғаны хабарланып, өрт сөндіру автоцистерналарымен су жеткізу жұмыстары  дереу ұйымдастырылды. Суды үздіксіз беру қамтамасыз етілді.

Оқиға орнында жедел штаб, 2 жауынгерлік учаске құрылды. 40 адам және 14 бірлік техника жұмылдырылды.

Жол полиция қызметкерлері  жолды қоршауды  қамтамасыз етті. Дер кезінде қабылданған шаралар арқасында 18 минут ішінде өрт оқшауланып,  сағат 12:38-де  өрт  қаупі жойылды.  Сағат 12:47-де өрт толығымен ауыздықталды.