Алматыдағы балалар үйінде кішкентай қыз соққының астында қалды

Жақында әлеуметтік желіде балалар үйінің тәрбиеленушілерінің соққының астында қалған видеосы тарады. Осыған қатысты Алматы қалалық ІІД бастығының орынбасары Рустам Әбдірахманов түсініктеме берді.

Бұл туралы Orda.kz хабарлады.

Видеода екі қыздың бір-бірімен жаға жыртысып жатқанын көруге болады. Ересектер қарап ттұрып, әрекетсіздік танытқан.

Назар аударыңыз, бейнеде зорлық-зомбылық пен балағат сөздер бар!

– Бүгін (15.09.2021 ж.) осы факті бойынша Медеу ауданының полиция бөлімі тексеруді бастады. Оның нәтижесі бойынша Алматыдағы мамандандырылған «Жанұя» кешенінің екі тәрбиеленушісінің (2004 және 2005 ж.т.) жанжалы 03.09.2021 жылы түсірілгені анықталды, - деп жазды Рустам Әбдірахманов өзінің Instagram парақшасында.

Оның айтуынша, ешкім полицияға шағым түсірмеген.

Қазір тергеу амалдары жүріп жатыр. Нәтижесі бойынша кінәлі тұлғаларға заңға сәйкес шаралар қолданылады.