Алматыдағы атыста қаза тапқан полицейлердің отбасына баспана беріледі

Алматы қаласының әкімдігі бір күн бұрын қызметтік міндетін атқару барысында, Ақбұлақтағы атыста қаза тапқан екі полицейдің отбасына баспана береді.

Ішкі істер министрлігі  оңтүстік астана әкімшілігіне дәл осындай тапсырыс берді.  Бұл туралы Ішкі істер министрлігінің ресми порталы Polisia.kz хабарлады.

Бүгін Ішкі істер министрінің орынбасары Мұрат Баймұқашев қаза тапқандардың үйлеріне  барды. Ол полицейлердің отбасы мен жақындарына министрлік басшылығы мен ішкі істер органдары  ұжымы атынан көңіл айтты.

Көңіл білдіре отырып,  ол қайтыс болған тәртіп сақшыларының отбасылары баспанамен қамтамасыз етілетіндігін мәлімдеді. Сонымен қатар ол қызмет бабында қаза тапқан полицейлердің көпшілігі медальдармен марапатталғанын еске салды.

Қайтыс болған тәртіп сақшыларының бірінің артында  бес, екіншісінде екі бала қалды.

Кеше, яғни 20 қыркүйекте Алматыдағы атыс кезінде екі полицей қаза тапты. Сот шешімімен үйден шығаруға келген сот орындаушылары мен полиция инспекторлары үй иесінің атқан оғынан мерт болды.

Полицейлермен бірге жеке сот орындаушы, үйдің жаңа иесі және оның досы жан тәсілім етті.