Алматыдағы атыс кезінде қаза тапқан сот орындаушы Мұрат Әбеновтің артында бес баласы қалды.

Бұл туралы Orda.kz хабарлайды.

Алматыдағы атыс: сот орындаушының бес баласы болған

– Нұр-Сұлтан қаласының жеке сот орындаушылары өңірлік палатасының және өңірдің жеке сот орындаушылары атынан Алматы қаласының Алатау ауданында болған қайғылы оқиғада қаза тапқандардың отбасыларына қайғырып көңіл айтамыз, – делінген жеке сот орындаушылардың өңірлік палатасы хабарламасында.

Жеке сот орындаушысы Сағындық Хибатов Алматыда атыстан қаза тапқан әріптесі Мұрат Әбенов туралы айтып берді.

– Мен 2011 жылдың 28 тамызынан бастап жұмыс істеймін. Мұрат қыркүйек айында келді. Оның бойы ұзын, сымбатты жігіт, өте сауатты. Үлкен отбасының әкесі еді, менің есімде, оның бес баласы бар. Ол сабырлы, ұстамды, мәдениетті. Өкінішке қарай, қызметтік борышын орындау кезінде қаза тапты. Бұл біз үшін орны толмас шығын. Мен оның отбасына көңіл айтамын, – деді жеке сот орындаушының әріптесі Сағындық Хибатов.

Бөлісіңіз: