Алматыдағы Қасым хан бейнеленген қабырға суреті қалай жасалды

Гранд Парк сауда ойын-сауық кешенінің қасбетіне Қасым хан бейнеленген қабырға суреті салынған.  Аталған муралдың жасалуы  видеоға түсірілген.

Қабырға суретінің авторлары – жас суретшілер Карина Әзімжанова мен Ғафура Қайырбекова, деп хабарлайды «Қазақфильм» киностудиясының баспасөз қызметі.

Суретшілер оны  салуда  7 күн жұмыс істеп, 120 аэрозоль құтысын пайдаланған.

Қабырғаның жасалуы «Ұлы дала таңы» фильмінің жарыққа шығуына орайластырылған.

Қазақ хандығының өз заңнамасын жасаған алғашқы билеушісі Қасым хан екенін айта кеткен жөн. Қасым хан (1945-1521) — қазақтың ұлы хандарының бірі, Қазақ хандығының негізін қалаушылардың бірі — Әз-Жәнібек ханның  ортаншы баласы және Шайбанидтер мемлекетінің ханы Мұхаммед Шайбани ханның бөлесі.

Бізге белгілі, «Қaсым ханның қасқа жолы», «Есім ханның ескі жолы» және Тәуке ханның «жеті жарғы|жеті жарғысы» осы хан кеңесінің шешімі арқылы жарыққа шығып, елге таралған.

Заңдар жинағы «Қасым ханның қасқа жолы» («Хан Қасымның нұрлы жолы») деп аталды. Онда бірнеше заңдар болды: мүліктік, қылмыстық, әскери, елшілік, қоғамдық.

Сонымен қатар, аты аңызға айналған билеуші ​​15-16 ғасырлар тоғысындағы қазақ халқының азаттық пен тәуелсіздік үшін күресінің символдарының біріне айналды. Дәл осы уақыт мемлекеттігіміздің және ұлы қазақ даласының гүлденген кезеңі болып саналатынына Қасым ханның үлесі зор.