Алматыда ұсталған белсенділердің үстінен қылмыстық іс қозғалды

Алматыда АЭС құрылысына қарсы бір топ адам ұсталды. Құзырлы органдардың сөзінше олар жаппай тәртіпсіздік ұйымдастырды деген күдікпен ұсталған, деп хабарлайды Orda.kz.

Алматыда атом электр станциясы құрылысына қарсы 12 белсенді тұтқындалды. Кейін олардың алтауы босатылды. Тұтқындалғандарға қатысты қылмыстық іс қозғалғаны туралы ақпаратты Orda.kz тілшісіне белсенді Абзал Достияров айтып берді.

Оның айтуынша, олар ҚР Қылмыстық кодексінің 272-бабы 1-бөлігі бойынша күдікті, яғни «жаппай тәртіпсіздік ұйымдастыру» (жаза мерзімі төрт жылдан он жылға дейін бас бостандығынан айыру) болып отыр. Абзал Достияровқа бұған дейін атом электр станциясы құрылысы туралы интернетте сауалнама жүргізгені үшін айыппұл салынған.

Қылмыстық іс қозғау жайлы адвокат Төлеген Берліқожа пікір білдірді.

«Өткен айда белсенділер жиналып, атом электр станциясы құрылысын талқылады. Тыңшылар мұны жазып алған. Шымкенттен Бердиходжаев есімді күмәнді сарапшы бар. Ол өз қорытындысында белсенділердің сөздерінде экстремизм элементтері мен жаппай тәртіпсіздіктер ұйымдастыруға шақыру бар екенін айтады», — деді Төлеген Берліқожа.

Адвокат қайта сараптама жүргізу жайлы өтініш бергенін айтты.

«Іс құпия болғандықтан, мен бейнежазбаны көрмедім. Бізге тек қорытындыны көрсетті. Мен адвокат ретінде қайта сараптама жүргізу туралы өтініш бердім», — дейді Төлеген Берліқожа. 

Еске сала кетсек, Төлеген Берліқожа 7 жылға сотталған журналист Думан Мұхамедкәрімнің ісін жүргізген болатын.