Алматыда Украинаны қолдау митингі өтіп жатыр

Алматы қаласындағы Сары Арқа алаңына мыңға жуық адам жиналды, халық  қарасы әлі көбейе түсуде.

Қазір Алматыда Украинаны қолдауға арналған санкцияланған митинг өтіп жатыр. Сары Арқа алаңына халық жиналған халықтың саны қазірдің өзінде мың адамға жуықтады, әлі де жан-жақтан топтасып келіп жатыр.

Митинг Қазақстанның әнұранымен басталды. Orda.kz тілшілері оқиға орнында.

Көбі  украин халқының  ұлттық  киімдерін және кестелі жейделер киіп алған.  Жиналғандар «соғысқа жол жоқ» деп ұрандауда.

Ресей мен Украина арасындағы қарулы қақтығыс он бір күннен бері жалғасып жатыр. Екі елдің ресми деректеріне сәйкес, екі жақтан кемінде 500-ден астам қаза тауып, 2000-нан астам жараланған.

 Украина қалаларының тұрғындары елден кетуді жалғастыруда. 7 наурызда екі елдің дипломаттары арасындағы келіссөздердің үшінші раунды өтеді. Алдыңғы екі келіссөз ойдағыдай нәтиже бермеді.