Алматыда «Үш Қоңыр» және «Весновка» тұрғын үй кешенін салғандар қамауға алынды

Алматы қаласының прокуратурасы «Lider Group Consalt» ЖШС директоры мен бірқатар лауазымды тұлғаларды қамауға алу туралы қалалық ПД-ның ұсыныстарын қолдады.

Тергеу сотының санкциясымен «Үш қоңыр» және «Весновка» тұрғын үй кешенін салушылар 2 ай мерзімге қамауға алынды, деп хабарлайды қалалық прокуратура.

Алматы қалалық филиалы «Үш қоңыр» және «Весновка» тұрғын үй кешені үлескерлерінің ұжымдық арызы бойынша ҚР Қылмыстық кодексінің 190-бабы 4-бөлігі 2-тармағы «Алаяқтық» бойынша қылмыстық істі тергеп жатқаны атап өтілді.

Сотқа дейінгі тергеп-тексеру жалғасуда, тергеу органдары істің мән-жайын анықтау үшін барлық шараларды қолдануда және ол прокуратураның бақылауында болады.

«Весновка» тұрғын үй кешенінің алданған үлескерлеріне қатысты жанжал өткен жылы тұтанған болатын. Құрылыс тоқтап, халық ақшасыз, пәтерсіз қалды. Салынып жатқан баспанаға ақша салғандардың көбіне пәтер алуға құқығы жоқ екені айтылды.

Кейін белгілі болғандай, дәл осы компания «Үш Қоңыр» тұрғын үй кешенін салып жатыр, олар 2020 жылдың шілде айында пәтерлерді сата бастаған. Алматы әкімі кездесуден кейін үлескерлерге не болып жатқанын тексеруге уәде берді.

Алматыдағы «Үшқоңыр» тұрғын үй кешенінің салымшылары бұған дейін де  Президентке видеоүндеу жолдап, жәрдем сұрағаны белгілі.  Олар мердігер компанияның заңды белден басқанына наразы.