Алматыда үш ер адам кинозалда қыз зорлады деген күдікке ілінді

Алматыда кинозалда үш ер адам 20 жастағы бойжеткенге жыныстық сипаттағы зорлық-зомбылық жасады деген күдікке ілінді.

Бұл туралы НеМолчиKZ қоры хабарлайды.

Қордың мәліметінше, зорлау 13-14 мамыр аралығында болған. Бұл факті бойынша тергеуді Алматы қаласы Бостандық ауданының полицейлері жүргізді.

«Жас қыз досымен бірге кинотеатрға барған, бірақ сол жерде ол топтық зорлаудың құрбаны болып шықты, оның айтуынша, осы мекеменің директоры зорлаудан кейін бірден қорқыта бастаған. Ол полицияға арызданса, түсіріп алды делінетін оның интимдік суреттері мен видеоларын интернетте тарататын айтқан. Қыз бұл тәжірибеге, қысым мен қоқан-лоққыларға шыдай алмай, барға барып, бөтелке сындырып, өзіне дене жарақатын салған, өз-өзіне қол жұмсамақ болған. Үшеуі де қорқып қашып кеткен, екеуі әлі қашып жүр. Біреуі кеше табылып, жауап алынып, босатылды. Тергеуші сараптама нәтижесін күтетінін айтты» делінген қор мәлімдемесінде.

Сондай-ақ олар зорлау кезінде мекемеде қызметкерлердің болмағанын, кассирдің жұмыс орнын тастап кеткенін, бейнебақылау камераларының өшірілгенін түсіндірді. Ал қыз полицияға хабарласқаннан кейін құқық бұзушылардың туыстары одан арыздан бас тартуын сұраған.