Алматыда түні бойы жауған қардың қалыңдығы 17 сантиметрге жетті

Алматы қаласында кеше күні бойы қар тоқтаусыз жауып, қалаға 17 см қалың қар түскен, деп хабарлайды Orda.kz.

Алматы әкімдігінің хабарлауынша, көктайғақтың алдын алу мақсатында жолға мұзға қарсы материалдар себіліп, қар тазалау жұмыстарына 75 жедел бригада, 2710 жол қызметкері мен 1225 арнайын техника қатысты.

«Сағат 2:00-ден бері 95 шағын габаритті техника және тротуарлар мен қоғамдық кеңістіктерді тазалап жатыр. Аялдамалар, жаяу жүргіншілер өткелдері, баспалдақтар мен пандустар қолмен тазартылып жатыр» деп жазды Алматы қаласы әкімдігі.

Сондай-ақ әкімдік коммуналдық қызмет ауа райы толық тұрақталғанға дейін күшейтілген режимде үздіксіз жұмысын жалғастыратынын мәлімдеді.

Оқи отырыңыз:

• Ауа райына байланысты республикалық маңызы бар 2 автожол жабылды
• Бразилияда су тасқыны салдарынан 30 адам қаза тапты
• Пәкістанда полиция көлігіне жасалған шабуылдан 6 құқық қорғау қызметкері қаза болды